Youth Icon superstar J Lalrosanga (RS-a) chu damdawi inah a inenkawl mek.
Fuhchiangte-a tia a fan-te’n an koh thin, RS-a Jadeng hian tun hnaiah taksa lamah hrisel lohna neiin a insawisel a. Khawsik bakah khawng chang a neih thin bawk.
Thawhtanni khan Trinity Hospital-ah admit niin, vawiin lamah erawh a khawsik a reh tawh a, nizan leh tukin thlengin harsatna em em a la nei lo.
Hetih rual hian, a tonsil hi a la vung nasa a, ei leh in erawh a la harsat ve deuh tih a ni. Hengte avang hian hun eng emaw ti chhung chu damdawi in lamah a la inenkawl a ngai dawn a ni.
RS-a hian US a zin laia a music video siam — A Mawi Ber — chu nikum August thla khan a tichhuak a. Hei hi a lengzem music video hnuhnung ber tur nia hriat a ni.
Hemi hnu hian, June ni 19, 2026 khan a Pathian fakna hla — Ka Thlang Ber Che — music video chu a YouTube channel, Rsa Jadeng kaltlangin a tichhuak bawk a nih kha.