Aizawl: UD & PA Minister K. Sapdanga chuan Zirtawpni tuk khan a bial chhung Hunthar lei tlahniam hmun tlawhin, helai hmun siam thatna tur leh lei che zel venna tura ruahman Rs vbc 46.7 project chu department hrang hrang hotute nen an thlir ho.
Aizawl North III bialtu MLA K. Sapdanga chuan Hunthar lei tla hniam hi kum tin mai a chet thin avangin leh Aizawl khawpui chak lakna kawngpui pawimawh ber a nih avangin, lei che zel tur ven paha hmasawnna hna thawh dan tur dap a tul thu a sawi.
PWD lamin ruahmanna an siam te projector hmanga entirin, local council lamin ram neitute lama harsatna awm theite hma an lo lak dan report an pe bawk a, project tluang taka a hlawhtling theih nan chak taka bawhzui nise tiin thu an dah a ni.
Hna thawh tak tak hmain ram neitute nen chiang zawka lo inbe turin local council ruat an ni a, technical committee ten a project leh tul dang zawng zawng lo bawhzuiin remchang hmasaah mumal taka thlir ho leh nise tih a ni.
Sorkar leh tualchhung hruaitute hian tun thal lo awm tur chhung ngei hian eng emaw chen tal hmalakna awm hman ngei tura ruahmanna siam phawt nise tiin an rel bawk.