Aizawl: MizoTaxi App-a in register Taxi-te chu chawlhkar tluanin ni tin tlan phalsak an ni.
Zirtawpni khan Co-ordination Committee on Traffic Management (CCTM) chu an thukhawm a, hemi hnua Aizawl Traffic SP-in a thuchhuaha a tar lan danin, Mizoram State Transport Authority (STA) ruahman leh pawmpui, MizoTaxi App-a in register Taxi-te chu ni Thawhtanni atanga ni Pathianni thlengin ni tin tlan phalsak an ni a. An Taxi hnung leh hmaah STA-in MizoTaxi App sticker a pek an tar tur a ni.
Lirthei dang leh MizoTaxi App-a in register lo Taxi-te chu Aizawl khawpui chhunga lirthei intlanchhawk dan tura thu lo chhuah tawh angin an tlan chhunzawm vek tur a ni.
Transport Department tar lan danin, September ni 11 thlengin Mizotaxi App-a inziak lut lirthei 1,570 an awm a. Heng zinga 397 chu four wheeler Taxi an ni a, 1,149 chu two wheeler Taxi niin, autorickshaw 24 an tel bawk a. Mizotaxi App kaltlanga Taxi hman tum chhinchhiah zat chu 28,553 a ni.
Zirtawpni khan Taxi driver on-line 279 an awm bawk.