Mizoram Legislative Assembly-a Subject Committee II chuan an Chairman Lt. Col. Clement Lalhmingthanga, MLA hoin India khawpui hrang hranga Mizoram House hmun leh inruahmanna dinhmun zir chiangin September 7 atanga 12, 2026 chhung hian ‘Spot Study Visit’ an nei.
Subject Committee-II te hian Bengaluru, Mumbai, Kolkata leh Guwahati-a Mizoram House-te dinhmun en fiah, a taka hmasawnna awm theite leh harsatna tawhte enfiah a nih bakah, zir chianna leh rawtna chhuakte chu sorkar bawhzui turin Assembly Session-ah pharh a la ni ang.
MLA rualte hian khawpui hrang hranga Mizo mipuite tana Mizoram House pawimawhna leh tangkai dan te, enkawl zui a nih dan te thlir hovin heng khawpui hrang hranga Mizo awmte leh inenkawl tura phai ram pan damlo khawsa mekte pawh an tlawh nghal a ni.
Structural audit leh zir chianna hmun ngeia an neih zingah hian Bengaluru leh Mumbai-a Mizoram House hmun tur ram neih sa enkawl dan te leh Guwahati-a sak zawh loha awm mek dinhmunte an en fiah bawk.
Subject Committee-II Member-te zingah H. Ginzalala, Dr. R. Lalthangliana, Dr. K. Beichhua, R. Rohmingliana leh Lalramliana te an tel a. Assembly Secretariat Official-ten tawiawmin, General Administration Department official-te leh Mizoram House enkawltuten an lo dawngsawng a ni.