India leh US chuan sipai nunchan zirhona, ‘Yudh Abhyas’ chu an tan a, Uttarakhand-a Auli leh Rajasthan-a Bikaner bul, Mahajan field firing range-ah neih a ni tih Indian Army chuan a sawi.
“Nunchan zirhona hi sipai pahnihten tlang leh ram chhengchhe laia che tur bika a duan, integrated battle group (IBG)-a mite tana tih bik a ni a, sipaiten beihpui an thlakna sawt zawk an neih theih nana tih a ni a. Hei hian chet velna, tih dan tha ber inhrilh tawnna leh ruahmanna siam duna tihhlawhtlinna tur kawngah a pui dawn a ni,” tiin sipai thuchhuah chuan a tar lang.
Indian Army hian IBG ang chi hi thla hnih liam ta atang khan a kalpui tan a, hei hi a bika duan niin mahnia che thei tur leh tum bik thil neia chet chhuah ngaia hman tur niin sipai chet lakna hrang hranga rang zawka che chhuaka thil ching fel thei tura duan a ni.
Exercise Yudh Abhyas vawi 22-na hi Thawhlehni khan Auli foreign training node-ah hawn a ni a. Major General Amaresh Gunjan, General Officer Commanding, 14 Infantry Division leh Colonel Benjamin Jackman, Commander, 1st Mobile Brigade Combat Team, 11th Airborne Division, US Army te chuan hmanpuiin nunchan zirnaa tel tur ram pahniha sipai 600 ve ve hmaah thu an sawi.
Training-ah hian drone leh ram leh mi thlithlai leh thlir nana hman chi hmanrua hman dante pawh tihlan a ni dawn a, hemi hmanga chet lak dante pawh an zir dawn tih sipai thuchhuah chuan a tar lang.
“Nunchan zirhona hian sipai chi hnihte hian hmun rualrem lo tak takah pawh a ram thleng azira an tactic, thiamna leh an tih dan chet dan bikte an inhrilh tawn thei dawn a ni,” an ti bawk.
US Army pawhin chawlhkar hnih chhung nunchan zirhonaah hian inpeihna, chet lak thiamna leh thawhhona bik thlur a ni dawn tih a sawi.
“Training-ah hian Auli-ah brigade-level command post exercise, field training exercise, expert academic discussion, tlang leh khaw vawt tak hnuaia beihpui thlakna, mihring chuan tel lohna thlawhna ang chi lo beih let dan zirna, High Mobility Artillery Rocket System (HIMARS) nena live-fire exercise, stinger leh Mahajan Field Firing Range-ah mobile low, slow, Small unmanned Aircraft Integrated Defeat System (M-LIDS) te zirho a ni ang,” a ti.