Bollywood lemchan thiam pahnih Ranveer Singh leh Deepika Padukone te chuan an fa pahnihna ni turin hmeichhia an neih thu Inrinni khan an sawi.
IG lamah Deepika chuan an naute neih thu hi post siamin, an naute thar ke te takte chu a tarlang a, cute a tih thu leh 19/9/2026 tih a tarlang a, hei hi an naute thar pianni chhinchhiahna a ni.
An nupa hian kumin April thla khan naute nei tura an inbuatsaih leh mek thu hi an sawi a, an fanu Dua-i chuan nau a nei thuai dawn niin an lo sawi tawh a, tunah chuan an chhungkaw member pung avangin hun hlimawm tak an hmang mek niin an sawi.
Fa an neih leh tak avangin Deepika hi lemchan lamah pawh hun engemaw chen a reh rih dawn niin a lang a, project tam tak pawh a hnar rih nia sawi a ni a, an naute thar chuan nun hlimna a pe thar leh mek niin Deepika chuan a sawi bawk a ni.