Miley Cyrus leh a kawppui Maxx Morando te chuan hmangaihna par tlanchho mekin, an inkawp ngheh zualna tur niawm takin Miley chuan hla thar a nei bawk.
September 18 khan Miley hian a hla thar “Let’s Get Married” chu tichhuakin, hetah hian a kawppui Morando nen hian model an ni dun nghal a, an inkar nghehzia nemnghehna hla ni berin a lang a ni.
Cyrus,33 leh Morando,27 te hi music video-ah hian Los Angeles-a Chateau Marmont lamah an thleng dn a, hotel vela nunchan an zir lai niawm tak a tam hle.
A hla thu pawh hi inneihna lam leh damchhung hun hman dunna lam a ni deuh ber a, englai pawha awm dun tura insawmna leh inhrilhna a ni deuh ber bawk.
An pahnih hian nikum December thla atang khan thuthang an nei tan a, hemi hnu hi chuan vantlang hmuhah pawh inzui chho zelin, an inkar a nghet chho zui hle. Thla hmasaa an thlalak dunah phei chuan inhualna zungbun an lo bun chhuak tawh a ni.
Miley Cyrus hi Studio album 10-na tichhuak hlim hlawl a ni a, tunah an kawppui nena an siam music video a tichhuak leh nghal mai bawk nen, an inkar hi a tha chho mah mah tawh nia sawi an ni a, inneih lam pawh an hlat tawh lo mai thei nia sawi nimahse, anmahni erawh chuan engmah thuchhuah an la nei lo thung.