Zokhawthar Branch YMA chuan an thlanmuala thlan lunga Mizo tawng ni lova thuziakte chawlhkar khat chhunga siam tha turin an hriattir.
YMA hian Ningani khan thuchhuah siamin thlanlungah Mizo tawng ni lova thu inziakte chu hun tiam chhunga siam tha lo an awm chuan a tul angin hmalak an tum tih an tar lang.
Zokhawthar thlanmualah Mizo tawng hmang duh lo tan inphum a rem lo tih an hriattir tih tar langin thlanlunga thu ziah tur chu Mizo tawng veka ziak turin an hriattir bawk.
Branch YMA hruaitute chuan tun hma lamah pawh Mizo tawng ni loa ziak a lo awm tawh thin a, an siam thattir leh tih an sawi bawk.