Aizawl: Anti-Corruption Bureau (ACB), Mizoram chuan Ningani khan Govt. Kamalanagar College, Chawngte, Chakma Autonomous District Council (CADC) Secretariat, Chawngte leh Govt. Champhai College-ah Anti-Corruption Awareness Programme a buatsaih.
Govt. Kamalanagar College-ah hian zirlai 150 chuang an tel a. Zarzoliana, Addl. SP, ACB-in eiruk do leh ven zui chungchang zirtirna hun a hmang.
CADC Secretariat-a hun hmanah mi 300 chuang an tel a. He hunah hian Nirupam Chakma, Chief Executive Member (CEM), CADC chu khuallian niin Addl. SP, ACB Zarzoliana’n zirtirna a pe.
Govt. Champhai College, Champhaia hun hmanah principal, thawktu leh zirlai 470 chuang an tel a. Inspr. Albert Lalbiakmawia, ACB chu resource person niin ei ruk dona zirtina a pe a. zirlaite zingah eirukna laka fihlim tura intiamna ‘Signature Campaign’ neih a ni bawk.