Sorkar in theihtawpin ruihhlo that lohzia a aupui a, dan lova ruihhlo tawlh dap hna thawkin hma a la reng bawk. Tlawmngai pawl lian ber Central YMA pawhin theihtawp chhuahin ruihhlo do beihpui a thlak reng bawk.
Hetih lai hian man tur a awm reng tho a, man hman loh tam tak a awm bawk. A hlawka te chu an hlawk thur thur ang a, mahse a retheite erawh an bet tlawk tlawk thung.
Chhungkaw tam tak an mangang a, kehdarh ta tam tak an awm a, mizo nu leh tlangvalte a hun lovah kan liam zawih zawih a, ruihhlo hian min nghaisa nasa tak zet.
Kohhran kan tan a ngai a, sorkar in tha thlah lova a beih zel a tul a, YMA pawh nasa lehzual a chet a tul telh telh bawk. Mitinin ruihhlo hi do ila, tangrualin inzirtirna leh ruihhlo hman khaw loh hlauhawmziate hi inzirtir ila, mitin kan thanharh a va hun ta em.
Ruihhlo hmanga inlalian leh, khawtlang leh ram pum huapa rawn hausa thut ho, kan mi rinhlelhte hi kohhran hian en dan thiam se la, sorkar pawhin huaisen takin chhuizui ngam bawk se, ruihhlo hmanga sumdawnna hi theihtawpin i do tlang teh ang u.