Kum 40 mi lemchan thiam Lindsay Lohan chu movie lamah a lokir leh dawn a, thawm a neih loh vang vang hnuah Nextflix movie tharah a inlan dawn.
Lohan-i movie thar hi Netflix tihchhuah tur ‘Return to You’ tih niin, Mark Waters direct-na hnuaiah a chang dawn a, Henry Golding nen a main role an la dun dawn a ni.
Lohan leh Waters, kum 62 mi hi an inkawp fuh ve hrim hrim bawk a, kum 2003 khan Freaky Friday movie-ah thawkdun hmasa berin, a kum lehah Mean Girls-ah an thawkdun leh bawk.
Director Waters hi Nextflix nen hian an thawhdunna a tha hle a, movie hmuhnawm tak taka lo siam tawhin, a film siamte hi Netflix-a en hlawh ber ber an ni hlawm.
Lindsay Lohan chuan a film thar tur chungchang zawhna a chhannaah a phur tawh tak zet thu leh director Waters nena inkawp leh vat vat a chak tawh thu a sawi a, a main role play pui tur Henry Golding pawh thawhpui nuam tak a nih a rin thu leh a movie hmasa ho pawh a lo ensak tawh hlawm thu a sawi.