Aizawl : Mara autonomous district council budget session ni 3 awh tur chu nimin khan MADC session hall, Siaha-ah tan a ni a. Kum 2022-2023 MADC budget pass tura ruahman Rs nuai 17,468.99 a ni.
MADC budget session hi MADC chairman H. Sahlo chuan kaihhruaiin, panel of chairman atan Council Vaih bialtu MDC K. H Beihlo leh Chapi bialtu MDC FC Rehmo te a ruat.
Hun engemawchen MDC lo ni tawh, tunhnaia chatuan ram pan ta, AB. Roma sunna hun hman niin, Chairman-in AB. Roma chanchin a sawi a. MADC-a Chief executive member N. Zakhai leh Opposition leader HC. Lalmalsawma Zasai ten AB Roma an ui thu an sawi.
MADC budget session ni thum awh turah hian unstarred question (ziaka chhan chi) pali leh starred question 22 a lut a ni.