India ram pum huap kum 18 hnuailam te inelna ‘Yamaha Teens Rock 2026’ ah Neuhof School Band chu pakhatna an ni.
Yamaha Music India leh Trinity College, London te buatsaih Yamaha Teens Rock vawi 7-na ah hian band 680 chuang inziaklut zingah band 270-in video an thehlut a. Neuhof School Band hi North East Zone-a pakhatna niin, October 4, Pathianni zana Bangalore-a grand finale-ah Magdalene hla ‘Eternal Life’ leh Michael Jackson hla ‘Billie Jean’ sa in pakhatna an ni.
Tourism Minister Lalnghinglova Hmar chuan Neuhof School band te a lawmpui thu leh chhuanawm a tih thu social media kaltlanga sawi nghalin, Winter Festival 2026 ah hun pek an nih tur thu sawi bawk.
Neuhof School band member-te chu:
Vocals – Sylvia
Guitar – Elnathan
Bass – Grace
Keys – Muani & Robert
Drums – Chhanchhana