Aizawl: ZPM Senior Vice President Dr. Kenneth Chawngliana chuan chief minister Lalduhoma kaihhruai ‘Mipui Sawrkar – Kalphung Thar’ chu sorkar chhunzawm zel tura inthlan leh thlir rana tan an lak tawh dawn thu leh opposition party-te sawiselna pawh an kheng thla zat zat tawh dawn tih a sawi.
Thawhtannia ZPM party office-a chhung inkhawm an neihah State Planning Board Vice Chairman ni bawk, Dr. Kenneth Chawngliana chuan Mizoram history-ah mahni party sorkar paih thlak tuma lo chhuak thinte chu tumah an dingchang ngai lo tih a sawi a. ZPM chu mipuite mamawh leh dinhmun zir zela policy siam thin, tualto party leh hmun danga thununtu an awm lo tih a sawi.
Dr Kenneth Chawngliana chuan “Tun atang chuan inthlan leh thlir ranin kan kal tawh dawn a. ‘ZPM hi neutral support avanga sorkar mai mai’ min ti thin a; mahni party chakna avanga sorkar an la awm ngai lo. Thil tha duh neutral-te duh dan zelin thil tha tih hmangin sorkar zel kan tum. Opposition-ten min sawiselna te hi kan kheng thla zat zat zel tawh ang,” a ti.
Congress party chu hruaitu tha nei lo leh sorkarna nei mumal tawh lo an nih thu leh MNF pawh kum 16 chuang ro lo rel tawh mah se, sum duhna avangin mipuiin an ring zo tawh lo tih a sawi bawk.