Film siamtu lian leh producer lian pahnih ni thin Paramount Skydance leh Warner Bros Discovery te chu inthlunzawm a, infinkhawm turin engkim tihfel a ni ta.
Paramount hian $110bn zet sengin Warner Bros hi an lei niin official lehkhaah tarlan a ni a, hei hi hollywood leh media landscape siamthat lehzualna tur nia sawi a ni.
An pahnih chungchang hi thla tam tak chhung sawi ni tawhin, inremna erawh an siam lawk thei lo a, tunah chuan dan hmanga chinfel ngai zawng zawng chinfel ni tawhin Paramount Skydance leh Warner Bros Discovery te chu an inchhunfin dawn ta a ni.
Heti a nih takah chuan Warner Bros in a lo tihchhuah tawh film hit tak takte pawh Paramount hian neitu nihna a nei tawh dawn a, chung zingah chuan Harry Potter, Game of Thrones, The Lord of the Rings te pawh a tel.