Aizawl: Joint YMA Field, Vairengte-ah ni hnih awh tur, Mizoram leh Assam (Kolasib leh Cachar District) tangkawp buatsaih ‘Inter-State Border Festival’ chu Ningani khan tan a ni a, Counter Insurgency and Jungle Warfare (CIJW) School Commandant Major General Kulvir Singh, SM chuan khuallian niin he festival hi a hawng a ni.
Maj. Gen. Singh chuan festival hian ramria chengte inkarah inunauna, inhriatthiam tawnna leh inzah tawnna tha zawk a thlen ngei a beisei thu sawiin ramri khua Vairengte mipuite inngeih leh thlamuang taka khawsa ho thin chu fakawm a tih thu a sawi.
Zirtawpnia a ni hnihnaah main event hman chhunzawm a ni ang a, Cachar DC leh an aiawhte lo telin hnam lam, zai leh infiamna hmangin hun hman zui a ni ang.