Aizawl: Department of Personnel & Administrative Reforms (DP&AR) leh Administrative Training Institute (ATI) bultumin Mizoram chhunga All India Services (AIS) officer Mizo ni lo hnam dangte tana buatsaih, ‘Training on Mizo Language, Culture, Society and Value System’ chu ni 14 chhung kalpui a nih hnuin Inrinni zan khan khar a ni.
He training a vawi khatna atana buatsaih hi kar liam ta ni, October 8, 2026 khan Chief Minister Lalduhoma’n Secretariat Conference Hall, MINECO-ah a hawng a, ni tin tlai dar 4 atanga dar 5 chhung neih thin niin, kar liam ta October 28, 2026 khan Aijal Club-ah Power & Electricity Minister F. Rodingliana’n a kharna inkhawm a hmanpui a ni.
Kharna inkhawm hi ‘Zo Zan’ anga hmangin Mizo hnam lam entirna te neih a ni a, training-a tel AIS officer hnam dangte chuan Mizo tawng ngei hmangin thu an sawi a, zanriah an kil ho a ni.