BTS member zingas Covid-19 kai parukna ni turin nimin khan J-Hope-a’n hripui kai ngei tih finfiaha ni ta a, tunah hian uluk taka enkawl mek a ni.
An mahni enkawltu Big Hit Music-in thuchhuah a siamah, March 23 khan J-Hope hian hrawk nâ/thip a nei ta a, PCR test kalpui nghal vat niin, a positive tih an hmuchhuak.
Kum 28 mi rapper hian vaccine vawi thum a la fel tawh a, tunah hian hrawk thip tih loh chu insawiselna lian tham leh harsatna dang a nei lova, fimkhur taka quarantine niin, doctor te’n hneh takin an vil reng a ni.
Tunhma lam khan BTS member dang- RM, Jin, Suga, Jimin leh V te’n virus an lo kai vek tawh a, vanneihthlak takin insawiselna lian tham nei lem lovin, an tha chhuak leh vek a ni.
BTS member te hi hripui leng nasa karah fimkhur takin an chechhuak thin a, an mahni enkawltu leh buaipuitu ni bawk Big Hit Music hian a khât tawkin hripui laka an him leh him loh an enfiah zauh zauh thin.
Insawiselna an neih lem loh paw’n surprise check an kalpui thin nia hriat a ni bawk. Hrileng hian Korean music industry a chawkbuai hneh hle a, mimal emaw band ang pawha harsatna tawk an awm zauh zauh thin a ni.