Zoen, Lunglei buatsaih Mizo Voice Season – I Top 10 intihsiakna chu November Ni 10 zan khan UPC Multipurpose Center, Farm Veng, Lungleiah neih zawh niin nilaini zan dar 8 atang khan Top 10 a inhlangkai mi 12 te vote theihna hun hawn a ni.
Mizo Voice Top 10 intihsiaknaa Contestant te zai hi Zoen Youtube, Zoen Instagram leh Zoen Facebook ah te chhawp chhuah niin November Ni 13, zan dar 8 ah vote theihna hun hi khar a ni dawn a, heng paltform pathuma mipui vote (like) belh khawm sang ber chu direct in Top 7 ah a in hlangkai dawn a. Top 7 intihsiakna hi November Ni 14, Inrinni zan dar 8 ah a hmun ngai, UPC Multipurpose Center ah neih chhunzawm a ni ang.
- Mizo Voice Top 10 a tlingte :
Hmingchungnungi Lianhna – Lungmawi Hnahthial
Lalruatfeli – Sethlun
Amie Lalruatfeli Pachuau – Rahsiveng
Lallianzuala Khiangte – Serkawn
Jessica Rosangpuii – Venglai
Ricky B. Lalthansanga – Venglai
Lalmuanawma Chawngthu – Venglai
Miley Lalhriatpuii – Sairep
Lalrinchhana – Serkawn
H. Rosangliana – Rahsiveng
Saihlupuia Sailo – Ramthar
Vanlalpekhlua Varte – Chandmary, Lawngtlai.
Ziah tawh angin Mizo Voice Season – I ah hian lawmman pakhatna in Cheng Nuai 1 leh Scooty a dawng dawn a. Pahnihna in Cheng singsarih leh pathumna in cheng sing nga an dawng dawn a ni.