Bollywood lemchan thiam Kareena Kapoor chuan tun hnaia movie pakhat chang tura an sawmna chu lan naupan ngai, make-up nasa taka hman ngai a nih avangin a hnar thu a sawi.
Kareena chuan ka hriselna hi ka ngai pawimawh a, make-up hman a tulna chin pawh a awm, ka lo hmang fo tawh thin. Mahse, tun tuma min rawn sawmna kha chu nasa taka make-up hman ngai, hriselna dinhmun nghawng thei hial nia ka hriat avangin ka hnar ta a ni, a ti.
Cosmetic leh botox lam hi a theih chin chinah ka dodal a, botox phei hi chu inchiu ngai, hmel siam danglamna a nih avangin ka duh lo bur, a ti a. Chuvang chuan hlawh tam tham tak sih hmuh mahse movie thar chang tura an sawmna chu a hnar tak thu a sawi.
Tun hnai khan Kareena hi Meghna Gulzar direct-na film Daayra-ah a inlan a, hemi hnu hi chuan film lam la chang leh rih lovin, a pasal Saif Ali Khan nen show hlawhtling Koffee with Karan season 9-naah an inlan a, a reh rih leh ta vang vang a ni.
Kareena hi kum nga chhung zet an inngaihzawn hnuah October 16, 2012 khan Saif nen hian an innei a, fapa pahnih Taimur leh Jeh te an nei a ni.