Japan chuan kumtawp a Qatar a World Cup khelh turah hmun an chang dawn a. Australia lakah hnehna changin an tling chiang.
Ningani zing khan Sydney-ah Australia nen hian an inkhel a, substitute Kaoru Mitoma chuan huntawp dawn lamah goal hnih khungin 2-0 in Japan an chak a. Khelh khat la hmabak mahse an tling chiang tawh.
Japan an chak avang hian Asia Qualifier-ah Group B a\ang an sang ber a, Australia hi pathumnaah tla thla ve thungin Saudi Arabia pawhin Qatar World Cup hi an khelh phah dawn ta a ni.
Australia erawh a zawna World Cup vawi nga khel turin play-off an khelh a ngai dawn.
Soccerroos hian Jeddah-ah Saudi Arabia an hmachhawn leh anga, he inkhelah hian chak mahse an dinhmun a danglam tawh dawn loh avangin June 7 a playoff inkhel an nghah tho tho a ngai dawn.
Play-off ah hian Group A a\anga pathumna nen an inkhel leh ang.
Group A lamah khelh hnih hmabak a la awm a, United Arab Emirates chu pathumna luahtu ni mekin point thumin Lebanon lakah an sang a, point li in Iran in an pha lo mek bawk.
He inkhel a chak zawk hian South America qualifier a pangana an hmachhawn leh ang.
A hun takah Japan
Japan hian kum 1998 hnua a vawikhatna atan Australia-ah an khingpuite an hneh ngei a ngai a. Chutihrualin Covid 19 avanga player chhawr theih loh nei nual Soccerroos hian an chelh dawn a ang hman hle.
Nimahsela Mitoma chuan minute 90-na leh 94-naah goal a khung a. Hemi hma hian Liverpool forward Takumi Minamino chuan crossbar vawi hnih a tih per a, minute 80-naah goal line a\ang a goal khung ngei tur petchhuahsak a ni bawk.
Japan coach Hajime Moriyasu chuan, “Chak chauh kha kan rilruah a awm a, draw ah kan lungawi lo. Mitoma dahluh kha kan tactic chu ni mahse tactic vanga chak kan ni lo, player-te vang a ni.” a ti.