UPC (NEI) Elocution intihsiakna neihah Laltanpuii pakhatna

United Pentecostal Church of North East India, Aizawl East District, District Sunday School Department-in an District chhunga Naupang Sunday School Department-te tâna a buatsaih, Thu in sawi siak, ‘Elocution’ chu tluang taka zawh a ni.

Elocution hi AED Conference Hall, Ramhlun South-ah neih a ni. Elocution-ah hian Aizawl East District chhunga Bial hrang hrang atangin mi 17 ten intihsiakna an bei a, mi 17-te hian November 10, 2026 (Thawhlehni) zan khân ‘Nun dan tha chhungkua atangin’ tih thupui hmangin an intihsiak a, mi 17 atang hian mi 10 thlan chhuah an ni.

Top-10 te hi November 12, 2026 (Ningani) zan khân ‘Kristian Chhungkua’ tih thupui hmangin an intihsiak leh a. Top-10 atangin Top-5 thlan chhuah an ni a, November 13, 2026 (Zirtawpni) zan khân Top-5 intihsiakna chu Thupui 2 – ‘Baptisma’ leh ‘Pathian Pakhat’ tih hmangin neih a ni a, Results puan nghal a ni.

Elocution Intihsiak Top 5 Results chu :

  1. Laltanpuii, Upper Republic Bial
  2. Lalhriatzuali, Bawngkawn Bial
  3. C. Lalsangmawii, Serchhip Bial
  4. Ruthi Lalmuanpuii, Bethlehem Bial
  5. B. Lalduhsaki, Bazar Bial

Elocution intihsiakah hian Pakhatna-in Rs. 20,000 bakah Citation leh Memento-a dawng a, Pahnihna-in Rs. 15,000 bakah Citation leh Memento a dawng a, Pathumna-in Rs. 10,000 bâkah Citation leh Memento a dawng bawk.

Palina-in Rs. 5,000, Pangana-in Rs 3,000 a dawng a. Top 10 chinte hian Participation Prize Rs. 1000 theuh an dawng bawk a ni.

Leave a Reply

error: Content is protected !!