Aizawl: Serchhip District Deputy Commissioner Paul L. Khuma (MCS) chuan Inrinni khan Mumbai-a National Stock Exchange Atrium, Bandra Kurla Complex-ah Maharashtra Governor Jishnu Dev Varma hnen atangin ‘Namaste Award 2026’ a dawng.
Amazing Namaste Foundation buatsaih chawimawina category panga zinga ‘Public Service & Governance’ huangah he chawimawina hi dawngin, Paul L. Khuma hi India hmarchhak state-te atanga he chawimawina dawng thei hmasa ber a ni.
India hmarchhak bial hmasawnna leh tlo zawka hma a sawn theih nana kalphung thar leh dangdai (innovative) hmanga entawn tlaka thawkte chawimawina atana ruahman he award dawng tur hian hmarchhak state paruat atanga hming thehluh tam tak zinga mi paruk thlitfim leh hnuah, BSF leh CRPF DG hlui Shri Sujoy Lal Thaosen, IPS (Retd) kaihhruai Independent Panel chuan ngun taka an endik hnuin Paul L. Khuma hi an thlang chhuak ta a ni.