Bialtu MLA-in thutkhawmpui

Aizawl: Aizawl North III bialtu MLA K. Sapdanga, Home Minister hovin Nilaini khan a pisa-ah Hunthar Local Development Committee meeting neih a ni a, he thutkhawmah hian Hunthara MLA fund hmanga hna thawh tur leh hmachhawpte an rel.

Thutkhawm kaihruaitu Committee Chairman K. Sapdanga chuan Local Development Committee din a nih dan leh an mawhphurhna hrang hrangte sawifiahin, veng hmasawnna atan thahnemngai taka thawhpui turin committee member-te a sawm a ni.

He Local Development Committee-ah hian local council aiawhte, tlawmngai pawl (NGO) hrang hrang aiawhte leh khawtlang mi pawimawhte an tel a; hun lo kal zel turah pawh MLA fund a awm apiangin he committee kaltlang hian veng chhung hna thawh tur ruahmanna siam zel an tum a ni.

Leave a Reply

error: Content is protected !!