Spanish club Real Madrid chuan Ukraine club Shakhtar Donetsk a\angin Brazilian rawlthar Vinicius Tobias chu loan in an lalut.
Kum 18 mi hian 2022-23 season tawp thleng Los Blancos hnenah hian hun a hmang anga, tun nipuiah Real Madrid hian lei ngheh theihna an nei. Real Madrid Castilla tan tun season-ah a khel ang, first team tana inlan turin phalna a la nei rih lo.
Chiang zawkin
Vinicius hian kumtirah hian Brazilian club Internacional a\angin Shakhtar hi a pan chauh a, a club thar tan hian an ram a buai zui avangin a la inkhel hman lo.
UEFA in a hnuaia club-ten player an ziah luh chungchangah dan a tihdanglam avangin a insawn thei a. Club ten Russia leh Ukraine a\angin player pahnih an ziah luh belh thei a, April 1 hma in player insawnna erawh an ti fel hman tur a ni.
Vinicius hi Brazil a rawlthar beiseiawm ber zinga chhiar tel a ni a. Right-back a khel nimahsela position hrangah mamawh dan a zirin a chhawr theih.
Feet 5 leh inches 9 a sang a ni chungin thahrui a ngah avang leh ball a pet thiam avangin centre-back ang pawhin a hman theih a. A tlan chak leh ball a cross thiam avangin winger-ah pawh an hmang tawh \hin.
Blancos hian season tharah an first team a lakchhoh a, tawnhriat a neih belh hnuah an right-back rinrawl ni tura chher chhuah an tum.
Tun dinhmunah Dani Carvajal leh Lucas Vazquez te nei mahse an pahnih hian right-back rinrawl ni turin an rintlak tawk lo ni a ngaihna a awm bawk.