Si phur hmasa zawkah \ang mahse Tottenham in Newcastle United lakah harsatna lian an tawk lova. Premier League-ah palina a inhlangkai turin 5-1 in hnehna an chang.
Pathianni zanah Tottenham Hotspur Stadium-ah Spurs in Magpies an mikhual a. Top four a tel an beisei avangin an tan inkhel pawimawh a ni.
Bul erawh an beisei angin an \an lova, minute 39-naah Magpies defender Fabian Schar chuan freekick a\angin goal a khung a. Spurs goalkeeper Hugo Lloris-a’n a dang lo a ui ang.
Halftime dawnah erawh an boruak ti \ha turin Spurs in an chhanglet a, Son Heung-min ball vawrh duhthusam chu Ben Davies chuan a tauh lut.
Second half-ah Spurs an khel\ha sawt a, Harry Kane-a siamsak chu Matt Doherty chuan a tauh lut a. Son-a’n an goal thumna khungin Doherty thawhrah a\angin Emerson Royal chuan a khung a, substitute Steven Bergwijn pawhin goal a khung.
Spurs in Arsenal pelin palina an hauh a, Mikel Arteta pawlte erawh khelh hnihin an khel tlem. Newcastle hi a zawna vawi thum an tlawmna a ni thung.
Spurs boss Antonio Conte chuan, “Champions League inchuhna hi kan league-ah chuan a hautak a, tuna kan khelh ang hian chhunzawm zel kan tum a \ul. Kawng tam takah hma kan sawn belh zel.” tiin an chak hnuah a sawi.