Aizawl : Champhai Fire station leh DIPRO office tangkawpin ni- min khan Champhaiah media mi leh sate tan kangmei laka himna leh inven dan inzirtirna hun an buatsaih.
Zirtirna petu Station officer, Champhai Fire station F. Lalchhandama’n kangmei laka himna leh inven dan kawnga zawm tur hrang hrangte sawiin, kangmei chhuah thulha chetlak dan tur leh tih loh turte a sawifiah a. Kangmei chhuah ata- nga a hma thei ang bera Fire station hriattir thuai a tul tiin, a pan dan tur thlenga kawhhmuh a tul thu sawiin, kangthelhtute mipui lamin ruahmanna an lo siampui thuai thuai a tul thin thu leh thlalak ngawt buaipui lova rilru fim hmanga tha- wktute puihbawm na- chang hriat a hun tawh thu F Lalchhandama chuan a sawi a. Tui lak dan tur, tul lo- va lirthei chevel khuah- khirh leh insenghawi dan tur ngaihtuaha ruahmanna siam a pawimawh thu te, tangka- ina nei lemlo kangthelhtute chetvelna tibuai theite tan tel ve kher a tul loh thu te, mihring nunna a hlut ber ava- ngin kangmei a nasat hnua bungraw chuh tura tlanluh loh a him thu te a sawi bawk.
Champhai dist. MJ- A vice president Lalh- lupuia’n kangmei laka inven dan inzirtirna a theih anga an kalpui thin thu sawiin, training chu tangkai taka hman an tum thu a sawi.