Coronavirus booster dose chu puitling chin tan Pathianni a\ang hian mi mal enkawl invenna pekna hmun, private vaccination centre-ah a duh apiang tan a lak \an theih dawn tih Zirtawpni khan sorkar chuan a puang.
Sorkar thuchhuah thar a\ang hi chuan damdawi ina thawk, hri leng beihnaa a hmatawng leh kum 60 chung lam tan bak mi tam tak chuan vaccine dose thumna hi a thlawnin an dawng tawh dawn lo tihna a ni.
Sorkar thuchhuah erawh chuan, “A thlawna sorkar hmuna invenna peknaa dose khatna, hnihleh leh Precaution Dose (bosster dose) te damdawi ina thawk, hri leng beihnaa a hmatawng leh kum 60 chung lam hnena pek chu chhunzawm rengin chak zawka kalpui zel a ni ang,” tia tar lan a ni.
India-ah hian kum 15 leh a chung lam chin 96% chuan vaccine hi dose khat tal an dawng vek tawh a, 83%-in dose hnihin an dawng tawh bawk tih sorkar chuan a sawi.
Sorkarin puitling chin zawng tana booster dose lak tur a hawn hi ram \henkhata tun hnaia hri kai an pun leh mek lai leh ram pawna zin duh Indian tam takin dose thumna lak loh chuan chhuah an harsat mek laia tih a ni.
Ram \henkhat, entir nan Israel angte chuan vaccine lak hi a bikim, booster dose nen vek a nih loh chuan an pawm lo.
Coronavirus hi a hri chi thar, a hmaa mite a\anga insiam danglam a chhuah belh zel a. Tunah pawh XE variant an tih chu a awm leh tawh a, hetih mek lai hian India-ah chuan a kai hmuh chhuah a tlem zel a, darkar 24 liam ta chhung pawh khan mi 1,109-in an kai tih hmuh niin hei hi kum khat chuang hnua ni khata an tlem ber \um a ni a. Mi 43-in an thihpui leh hman bawk.
India-ah hian Covid-19 kai hi mi vaibelchhe 4.3 chuang awm tawhin mi nuai 5.21 velin an thihpui tawh bawk.