AIZAWL: Mizoram Journalists’ Assciation Gen. Hqrs. te chuan Information & Public Relations Director pension-a chhuak ta, Lallianpuii, MIS, thlahna leh director thar, C. Lalnunkima, MIS, lawmna nimin khan an buatsaih.
Aizawl Press Club-a hun hmanah hian director thar chuan thu sawiin MJA-ten an hun buai tak karah an tan liau liaua hun hmansaka chawimawina ropui tak an pe chu lawmawm a tih thu a sawi a. Kum tam tak liam ta chhungin I&PR leh MJA inkara thawhhona \ha tak awm \hin chu chhawm nung reng a, hun lo kal zel turah pawh MJA-ten sorkar hmalaknate \awiawm leh thlawp zel turin a chah.
I&PR Department leh MJA-te hmasawnna leh that tlan zelna tur atan theihtawp a chhuah tur thu sawiin thuziak lamah fimkhur a pawimawhzia a tar lang a, tunlai social media bikah Mizo \awng hman sualna nasa tak karah Mizo \awng hman dan dik kawngah \an lak a \ulzia a sawi bawk.
I&PR director pension-a chhuak ta, Lallianpuii pawhin thu sawiin a director hun chhunga MJA nena thawhhona \ha tak an nei thei chu lawmawm a tih thu leh hun lo kal zel tur atan duhsakna a hlan.
Thusawitu dang, MJA President C. Lalrambuatsaiha chuan I&PR Department leh MJA chu ‘information chhungkua’ an nih angin director chhuak ta leh a thar chu an ngaihhlutzia lantir nan he hun hi buatsaih a nih thu a sawi a. “Sorkar hnathawk zingah pawh pension thleng thawk thei lote emaw, department-a top post thleng lo tam tak an awm laiin I&PR director-te pahnih chuan an service-ah pawh a tawp an thleng thei chu kan lawmpui takzet a, Mizoin ‘Thangchhuah Nu/Thangchhuah Pa’ an tih \hin chu an ni ber a ni,” a ti.
MJA president hian director chhuak ta leh a thar te chu ngaihhruina leh lawmpuina thilpek a hlan nghal a ni.