Mizo tleirawl zingah ganja zuk ching an pung

Mizoram hi nasa taka ruihhloin a chenchilhna hmuna nia sawi a ni a, \halai zingah ruihhlo tih ching an pung nia ngaih a ni a; tleirawl zinga ganja zuk ching an pung thar chu thuneituten an vei hle.
Excise & Narcotics department (END) hotute chuan tun hnaiah tleirawlin ganja zuk an intihhmuh nasa hle tih an sawi a. Ganja zu emaw, zuar emaw an mante hi The Narcotic Drugs & Psychotropic Substances Act 1985 tlawhchhana thubuai siamsak tur an ni tih leh a hremna a nat thu an sawi.
Ganja zu \hinte hi man an nih chuan thubuai rip tak an nei thei tiin, an hma lam hun pawh tichhe vek thei a nih tih an sawi a, “Middle school zirlaite thlengin ganja zuk hi an ching a, an intihhmuh a ni ber a, heng tleirawl rilru la thianghlim hma hun êng tak neite hi an thil zuk \hin avang hian an nun a tichhia ang tih hi a hlauhawm hle,” an ti.
Hetianga ganja zuk ching an tam avang hian zuar pawh an tam thar nia a ngaih thu END hotute chuan an sawi a, “Tun hnaiah pawh ganja zuar hi kan man deuh reng a, heng mite hi thubuai rip tak siamsak zel an ni,” tiin an sawi.
END hotute chuan tun hnaiah heroin an man tam thu an sawi bawk a, chung heroin an man zinga a tam zawk chu state pawna thawn tur a ni tih sawiin, “Heroin neitute hian phai lama tawlh thlak tur niin an sawi a; mahse, a ni dik reng em tih chu hriat a harsa,” an ti.
Mizoram hmun hrang hrangah police leh END-ten heroin hi ni tin deuhthaw an man ziah ang a ni a, END-in thla hmasa khan heroin kg 6.989 an man a ni.
Ruihhlo tithar an pung a, ruihhlo \hahnem tak man a nih reng lai hian ruihhlo vanga nunna chân pawh an \hahnem zel a, kuminah ruihhlo vangin mi pathumin nunna an chân tawh nia chhinchhiah a ni.
Mizorama ruihhlo dona kawnga thawhhlawk tak, Central YMA-in an chhinchhiah danin kum 2000 a\anga kumin April 5 thleng khan ruihhlo vanga thi mi 1,271 an awm a, chung zinga 1,110 chu mipa niin mi 161 chu hmeichhia an ni.
END hotute chuan tunlaiin Mizoram hmun hrang hrangah dan kengkawhtuten ruihhlo an man hnem hle tih sawiin, ruihhlo leh a zuartute dap chhuahna kawngah mipuite chu theihtawpa sorkar tha tichak tur leh ruihhlo leh a kaihhnawih bawhchhiatna thu an hriat ang angte dan kengkawhtute hriattir zel turin ngen an ni.