Nimin tlai khan Puilo khuaah rial nasa taka tlain, chenna in 20 chuang a deng chhia.
Thudawn danin, nimin tlai dar 4 bawr vel khan Puilo khuaah hian ruah surin rial a tla vak a, hriat theih chinah chenna in 27 inchung rangva a deng pawp a, a thente chu artui tiat tiatin a pawp niin sawi a ni.
Puilo khaw chhehvelah pawh rial a tla ve nain he khua anga nasa hi chu a awm lo nia thudawn a ni.
Puilo khua hi Khawzawl district chhunga awm niin Kawlkulh atanga Km 5 vela hla a ni a, in 120 bawr vel an ni.