Hrilen laia Apple ei thatna & tulna chhan langsar te

Apple-ah hian taksa tana tha a tam em em a, minerals leh vitamins te a pai tam a. Mi tam tak chuan kan ei dawn hian a pil kan vel thin a, mahse a pilah hian taksa chakna a tam em em a ni. A tak leh a pil inkarah hian vitamin C a awm a, chu chu a pil kan paih hian kan paih tel ta thin a, a chakna a hloh ta mai thin.

Hrilengin min chim buai lai hian Apple tangkaina leh pawimawhna nasa takin a lo lang nghal a, Chuap tifaitu leh vawng-thatu a nih miau avangin nitin pumkhat tal ei theih chuan duhthusam a ni.

A chhungril takah zawk hi chuan chuti takin vitamin a tam tawh lova, a pil hian a let nga a tamin a tak aiin vitamin A pawh a pai tam a ni.

A tui chang nilovin, apple hi damdawi atan pawh a tha em em a. Lu na chi hran hran tan te hian damdawi tha tak a ni. Lu na nei thang tan chuan a chhung sak lai leh a kuang awmna lai paiha tukin chi nen pumruak laiin ei a tha a. Hetianga karkhat chhung ei chuan lu na a ti ziaawm thei.

Apple-ah hian sodium a tlem a, potassium leh phosphorus a tam thung a, hei vang hian lung lam thalo tan pawh damdawiah a tha hle ani. Tunhma atangin apple leh khawizu ei pawlh hi lunglam natna nei te tan damdawi angin an lo hmang tawh a. Potassium tamna ei nasa chuan heart attack an nei tlem tih a ni a, apple ah hian potassium a tam avangin heart attack awm tur ven nan pawh a tha bawk a ni.

Thisen sang tan pawh apple hi damdawi tha tak a ni bawk a. Ei tam hian zun a ti tam a, hei hian thisen sang a ti hniam thei a. Gout an tih mai ruh khawimaw lai na em em thin nei tan te, ruhna hrm hrim nei tan te pawh damdawi tha tak a ni. Ruhna nei tan chuan apple hi chhum kawia ruhna lai nuai nan hman theih bawk.

Apple ah hian iron a tam a, arsenic leh phosphorus te a awm bawk avang hian thisen nei tlem tan pawh damdawi tha tak a ni bawk a ni. Thisen nei tlem tan chuan apple tharlam tak tui in tam a tha a, a tak pawhin nitin ei ziah theih chuan a tha em em a ni. A tui in dawn chuan chaw ei hma darkar chanve velah in thin a tha a, zan mut dawnah pawh in tur.

Mit lam thalo tan pawh apple hi a tangkai hle a, eye wash atan pawh a hman theih a ni. A hawng hi bel darah tui chim tawkin chhuang la, vawikhat so tir bawrh bawrh la, mei ti hniam leh la, chutah a tui chauh kha thlit chhuaha khawizu nena pawlh tur a ni.

Apple hmin tawh tak hi mita hnawih atan a tha a. A tak hmin kha i mit khuh tawk velin zai lep la, chu chu i mitah belin tuam la, darkar khat vel tuam hnan ang che. Apple hi a chak avangin pum ruaka ei a tha vak lova, chuvangin chaw eikham leh puar deuh laia ei thin tur.

Tin, bawlhhlawh a kai theih avangin silfai lo chuan ei miah loh tur a ni. upa tawh lam tan pawh a tha em em a, bawnghnute nena regular taka ei phei chuan hriselna a ti tha in vun tan pawh a tha bawk a ni.

Leave a Reply

Your email address will not be published. Required fields are marked *

error: Content is protected !!