Deputy chief minister Tawnluia’n ministry of Jal shakti leh ministry of housing & urban affiars secretary te hmuin, Mizoram mamawhte a sawipui.
Dy. CM chuan Jal shakti ministry secretary Pankaj Kumar hnenah Jal Jeewan mission chak zawka kalpui dan tur leh sanction hmabakte a hma lama lo bawhzui turin a chah a. Mizoram khaw thenkhata ruahtui khawlna tur project rawtna te sawipuiin, hma laksak turin a ngen a. Tlawng eiver rejuvenation leh Reiek water harvesting dam project te a sawipui bawk.
MoHUA secretary Durga Shanker Mishra pawh hmuin, Tawnluia chuan PMAY housing for all hnuaia ministry atanga sanction hmabakte chak zawka Mizoramin a hmuh theihna tura bawhzui turin a chah a. AMRUT hnuaia sanction hmabak la awm thu a sawi chu Secretary chuan release nghal a nih tur thu a lo hrilh niin sorkar thuchhuahin a tarlang.