HIPNA BUPUI A NI
Nui sang thinte bula awm a nuam a, min kotu an ni bawk. Thinrim hmel, lungawi lo hmel leh ner nung nungna hian mi a umkiang a. Thinlung taka vawikhat seih zauh pawh hian mi a ko leh nghal chat thei thung.
RILRU SUKTHLEK TIDANGLAM
I beidawng a, i chau anih pawhin nui hram rawh. Chu chuan, midang mood fuh lo kha a titha thei a nia, chu chuan nangmah pawh kha a kangkai nghal thei a sin.
THIL THA INKAICHHAWN TH EIHNA
Mipakhat a nuih ringawt pawhin boruak a tidanglam thei a, midang mood fuh lo pawh a thlak thawk thei a, lamtanga siam i duh chuan nui hmel hmuh fo ang che.
RILRUHAH CHHAWK ZANGKHAI
Nuih hian kan chau mai tur te, kan zawi theihna te, kan phur lohna turte a umking thei a. Thinlung takin han nui lui ve bâwk bâwk la, i veng huai mai ang.
TAKSA KHAWL A TICHAK
Nui hmel pu thinte leh hlim thei takte taksa hi a chak em em a, natna hrik te’n an ngam meuh lo. I nuih chiah khan i hahdam deuh huai avangin natna beitu taksa khawl kha a chak nghal ringawt tawh mai a ni. Hlim taka nui thinte zingah hritlang leh inhnip lawp lawp hmuh tur an vâng hle.
BP A TIHNIAM THEI
I nuih chiah khan Bp hniam dan hi hmuh theih khawpin a langsar nghal thei a. In- ah BP monitor i kawl chuan i chhin nghal thei ang. Rei lote thu hahchawl la, a hnu-ah lehkha chhiar leh ang che. Minute khat vel hlim takin han nui la, lehkha han chhiar teh le? A inan loh zia i hre thei mai em?
NACHHAWKNA THA TAK
Hlim taka nuih hian nachawkna chak ber ber- endorphins leh serotonin te a tichhuak a. Damdawi a zawnga chak ber, ‘side effect’ nei lo awmchhun chu hlim taka nuih a ni.
TAR HARNA THLEN
Kan han nuih hian a bik takin, hmai vun hian ‘exer’ a la hi a lo ni reng mai a, chu chuan tar harna a thlen. Hmai chei leh facial uar chiam kha a ni hran lo. Nui hmel leh hlim hmel i put chuan si loh chuan awmzia a nei chuang lo.