Ni tin minute 15 tal I Nui thei ang em?

Tunhma deuh kha chuan khawvela mihringte hi chawhrualin ni khatah minute 18 vel nui thin ang kan ni a, tunah chuan chawhrualin ni khata minute 6 vel chauh nui thin ang kan ni ta!
Mithiamte chuan naupangte hi ni khatah vawi 300-400 vel te an nui thei niin an sawi a, chutihlaiin puitling te chu ni khatah vawi 15 vel chiah chawhrualin an nui niin an sawi bawk.
Dr S K Guota, senior consultant, cardiology, Indraprastha Apollo Hospitals chuan, “Kan nuih vak vak hian kan lung (heart) tan exercise tha tak a ni a. Kan nuih hian ka heart rate a sang a, kan thluak a hahdam thin,” a ti.
Cardiologist dang Dr Kataria chuan, “Tunlai khawvela intlansiaknaa khatah hian stress kaihhnawih natna a tam ta hle a. Tunlaia kan natna 70% hi chu stress kaihhnawih a ni.
“Stress pumpelh tumin miin zu a in nasat phah a, meizuk leh ruihhlo khawih te a chin phah a. Heng zawng zawng te hian nuih hi damdawi tha tak a ni tih hre hlauh se la aw,” a ti.
Mithiamte chuan ka âng meuh a za taka nuih (open-mouthed laughter) hi a tha ber niin an sawi.
Hmui chipa nuih (closed mouth laugh, scientist te chuan ‘pant-pant’ tiin an sawi mai a) erawh kan taksa tan a tha lo (opposite effect) leh zawk hlauh niin, an sawi tlat mai le.

Leave a Reply

Your email address will not be published. Required fields are marked *

error: Content is protected !!