Consumer Commission-te thuneihna + Consumer Complaint Fee Chungchang

Consumer Huang:
Consumer Commission-te thuneihna + Consumer Complaint Fee Chungchang

  • Lallunghnema, Charity Lodge

Consumer Huang chhiartute chibai tha ber ka buk a che u.
Nitinin consumerte chuan kan thil lei leh service hmannaahte chuan kan chawi belh zel a. Consumer thenkhatte chu bumin kan awm a, consumer tam tak chu dawrkai thenkhatin an lo chiau au tha duh lova, an lo induh tawk khum thin a ni. Mahse,dawrkaite chuan inhralh tam an duh a,dawrtu ngah an duh lawi bawk si. Consumer an neih that chuan an hlim hle lawi si a. Cable TV Owner-te, Cable TV Operatorte, Maxi Cab neitute, Transport system dang neitute leh service hrang hrang neitute hi Service providerte an ni a.An Customerte chu Consumerte an ni,kan ti thin. Chu mai ni lovin Consumer Protection Act, 2019 hian min hrilh chiang em em a ni.Hengho service hi kan mamawh a,Anni pawhin anmahni service hmangtute chu an mamawh a ni.Inring tawn leh innghat tawn an nih ber chu. Sumdawng innghahna ber chu dawrtu ngah a nih laiin consumer duh ber ber chu bungraw thiang hlim,him dam leh tha a ni.Service thlamuanawm chu an thlakhlelh a ni.
Kan hriat angin consumer-te chanvo leh dikna humhalh a nih theih nan Danpui hmasa ber The Consumer Protection Act 1986 chu tangkai taka hman a ni thin a. Mahse he Danpui hian a huam zau tawk loh avangin paih a ni a. He Act thlak tur leh consumer court te chu nasa zawka tih chak an niha consumer-ten nasa zawka an chhawr tangkai theih nan Danpui thar tha tak mai, The Consumer Protection Act 2019 chu duan chhuah a lo ni ve leh ta a. He Act hi 2020 July 20 atangin hman tan a lo ni ta bawk a . Tichuan, The Consumer Protection Act 2019 sub-section(l) and clause (a), (q), (s), (u)(y)(z)(zd), (ze), and section (2) of section tlawh chhan leh Consumer Protection Rules 1987 nuai bovin Consumer Protection Rules 2020 chu duan chhuah a lo ni ta bawk a. He Rules hmang hian Consumer Commission-te chuThuneihna sang zawk pek an ni a Complaint Fee pawh tih danglam a ni bawk. Consumerte tan he Rules thar hi thawven hawkna tham a ni.He Rules thar hi Consumer-te, Commission Member-te leh thawktute hriat atan ka han tarlang a ni.
Complaint Fee-te hi Nationalised Bank- ah emaw Indian Postal Order-ah emaw Demand Draft hmang la State/District Commission President emaw Registrar National Commission hmingin dahkham tur a ni.
Heng Demand Draft hmanga Complaint Fee dahkhamte hi Consumer Welfare Fund account a lut tur a ni. Hetiang hi District/State/National Commissiin Thuneihna leh Complaint Fee chawi zat tur a ni.
Heta kan tarlan ang hian Consumer Commission -te hian District-ah te, State-ah te leh National-ah te hian thubuai ngaihtuah theih chin an nei theuh va. Chung atana pawisa dahkham theih zat(complaint fee) te chu a tam lo hle a ni. Thubuai rem theih chin Cheng nuai nga hnuai lamah phei chuan complaint fee engmah a ngai lo va, Mizoramah hian thubuai(case) lian tham a awm ngai lo ang tluk a ni a. District Commission hian Cheng nuai 100 thleng ngaihtuah theihna an nei bawk a ni. A awmzia chu consumer tupawhin complaint thehluh hlut zawngin nuai 5 a thlen loh chuan a thlawnin a complaint thei tihna a ni.
Tin, Complaint Fee reng reng hi Welfare Fund a lut tur a ni a. Refund theih a ni lo, tih kan hriat a tul awm e. Tin, Welfare Fund -te hi state thuneihna hnuaia mi a nih chuan State Goods and Services Tax Act 2017 tlawh chhanin hman theih chauh a ni ang. Heng Office te hian an duh ang angin an hmang ngawt thiang lo a ni.
Consumer Commission thuneihna dangte:
1) Case awmdan a zirin Commission-te chuan document awm thei ang angte,account-bute leh thil deh chhuah eng chi pawh an hnena thehlut turin thupek a chhuah thei ang.
2)Complaint ngaihtuahnaah a tul dan a zirin Commission office-a officerte hnenah hriat tur pawimawhte chu thehlut turin Opposite party Commission chuan thu a pe thei ang.
3) Heng National,State leh District Commission-te hian thubuai dinhmun a zirin tul leh a tha an tih chuan an officerte mawhphurhna pe a, tirin bungraw hrensakte, tihchhiatsakte, mansak (seizure ) vekte, tihdanglamte, bakah sumdawnna hmunah a lutin a endjk thei bawk ang. Heng thila a hmalakna hi Officer chuan darkar sawm sarih pahnih chhung emaw a rei lovah Commission hnenah ziakin a thlen tur a ni.

Leave a Reply

Your email address will not be published. Required fields are marked *

error: Content is protected !!