Hollywood-in ngam loh nei!

Tun dinhmuna khawvela movie pui ber chu Bond film thar, ‘No Time To Die’ a ni lova, Marvel kutchhuak, ‘Shang-Chi & the Legend of the Ten Rings’ lah a ni hek lo.
Fuh chho hle
Chinese propaganda film, 1950s a Korean war indo chungchang tarlanna niin, kawng engkima chan chhe zawk ni chunga Chinese sipaite’n American sipaite laka hnehna an chan dan pui rem rem tak a ni.
Tlangzarh atanga karhnih chhung lekin ‘The Battle at Lake Changjin’ movie hian box office-ah $Maktaduai 633 a lalut der tawh a, Shang-Chi movie-i’n khaw-velpuma $Makta-duai 402 a lakluh chu a khum chiang hle a, karhnih lek a la ni lehnghal!
China rama film hlawhtling ber a ni dawn ta reng mai.
Heti taka a hlawhtlinna hi hripui vanga ramchhunga nghawng tha lo tak tak thleng reng kara chanchin lawmawm tak a ni a. Hripui vanga rei tak cinema hall khar a nih hnu-a hmun tam taka hawn \an lehnaa thil thleng duhawm tak a ni.
Lawmna thuahhnih
China sorkar tan hlei hlei lawmna tur a tam dawn a, mipui mimir zinga propaganda an vawrhluhin hlut a hlawh leh en a hlawh hle mai chu thuneitute tan a lawmawm thuah hnih hle dawn tih a chiang reng mai bawk.
Lehlamah chuan, Hollywood tan a lawmawm hranpa lo. Tualchhung film a hlawhtlin viau a, hlut a hlawh tawh a, khawvela film market lian ber China ram tualchhunga ke nghah ngheh theih lohna a thleng a nih chuan a pawi thui dawn. Sum an lakluh nasat berna ramah awmze neia ke chheh an siam rem a ngai ang.

Leave a Reply

Your email address will not be published. Required fields are marked *

error: Content is protected !!