hrisel taka naupai theih dan – 10
- Robert Zoliana
Thla kaw chhungzet naupai hi a chhukin a chho angreng hle a, hnung na ngawih ngawih thin te, luak-chhuak atangin Nu nih dawn tâk vanga phurna thlengin, naupai zinkawng hi sawifiah thiam hleih theih pawh a ni lo.
A hnuaiah hian naupai chhungzawnga dam leh hrisel taka i pai theihnan te, naute hrisel i neih theihna tur remchang sawm (10) tarlan a ni:
Thlai leh Theirah ei uar rawh
Ei leh in-ah hian thlai tharlam a tel tha tur a ni a, hengte hian i pum chhunga naute hrisel tak a nih theihna tura tana a mamawh hrang hrangte a lalut zung zung thei dawn a ni.
Iron i mamawh ang
Thisen tlêm leh tlachham awm thei reng a nih avangin iron tamna ei leh in lakluh that a pawimawh. Taksa in iron a hip luh theihna turin vitamin C te pawh a tul dan a zira lakluh a ngai ang. Hemi atan hian Dal, theirah leh Sa i eite hian lime (ser) tui sawr emaw telh te hi a tha hle. Serthlum tui leh nimbu tui te pawh hian taksain iron a lakluh theih nan an pui thei.
Tui in \ha la aw
I bulah emaw ban phak maiah tui bottle dah reng mai tur. Thlai hnah leh rah tui pai tam entirnan- Fanghma, tomato, dawnfawh adt. te pawh tiamin! Theitui hrisel leh cocounut tui te pawh hunbi nei taka in a tul hle dawn a ni. I taksa mamawh tawk tui thianghlim in tam a ngai si a.
Folic acid supplement
Thlai hring, lentil leh breakfast cereals ah te hian hmuh tur a awm a, heti chung hian a tul leh mamawh dan a zira doctor remtihna laa supplement ei te pawh a ngai dawn a, naupai tir lam (thla thum chhung hun pawimawh zual bik) ah phei chuan naute hriselnan a pawi-mawh hle a ni.
Ban phakah snacks hrisel
Apricot, Almond, theirah hrisel, protein bars leh cereal bars hrisel tak tak a awm a, ei that a tul hle bawk ang.
Mut i kham tur a ni
Naupai chhung zawng hian khuma hahdam leh thlamuang taka mut hi Nu te tana chona lian tak a tling pha. Veilam hawia saisira mut a tha a, a tul dan azirin lukham te pawh i mamawh angin dah belh tur a ni. Veilam hawia mut hian taksa peng tin maia thisen kal a tipung a, pum (dul) ah pre-ssure na tak tur a tiziaawm.
Harhvang takin aw
A awm mawia insawizawi a tul hle a, naupai leh a chhevel hian taksa leh rilru-a nghawng a neih nat thin avangin taksa leh rilru fit a ngai lehzual. Exer lak dan tur hi doctor thiamte râwn chunga kalpui tur a ni a, active taka i awm chhoh phawt chuan naupai zinkawng a hahdam ang a, nau neih hunah harsatna liantham/neuh neuh i tawk dawn lo a ni.
Ei suh
Sa hmin lo, artui hmin tha lo te bakah Thingfanghma te hi naupai lai chuan ei nghek nghek loh a tha. Artui i ei a nih pawhin a hmin chiang tur a ni.
Rilruhah/tawt ut ut umbo la
Hei hian taksa leh rilru a vaw chau vek thei a, chuvang chuan stress neih tlem dan leh thawven dan zawn vat a tha. Thaw han lak vang vang te, han inzikmar te, thui vak lo ke a kal te te hi stress tihziaawm nan a tha hle.
Caffeine lakluh loh tur
Tui thianghlim i la lut tho a, caffeine lam awmna in tur te hi hlat a tha. Coffee thlengin insum a ngai tawh ang. Energy drink te pawh a him lo a ni.