MPF-in DEO-ah lehkha thehlut


Aizawl: Mizoram People Forum, Gen. Hqrs. chuan Tuirial bial MLA bye-election neih turah Election Model Code of Conduct dan kalhna awm chungchangah hma la turin District Election Officer ngen.
Nimin khan Rev. R. Lalnuntluanga, General Secretary, MPF, Gen. Hqrs. hmingin District Election Officer hnenah election MCC dan bawhchhiatna awm chungchangah hma la turin MPF hian ngenna an theh lut a. October 30, 2021-a 4-Tuirial Assembly Constituency (ST) bye-election neih turah political party thenkhatin campaign beihpui an thlak danah Election Model Code of Conduct dan kalhna hma lakna a awm thu an tar lang a. Chumi tichiang turin video clip leh document thenkhat an thil tel nghal bawk.
Hemi chungchangah MPF hian MCC dan kalha hma la political party te chungah dan ang taka hma la turin an ngen a ni.

Leave a Reply

Your email address will not be published. Required fields are marked *

error: Content is protected !!