Lakhimpur Kheri, Uttar Pradesh-a lo neitute laka tharum thawhna thleng chungchangah Meghalaya Governor Satyapal Malik chuan Union Minister Ajay Mishra-a bâng tura nawrna awm mek chu a thlawp.
Meghalaya Governor Malik chuan union minister hi Lakhimpur Kheri-a tharum thawhna a thlen a\ang khan rang takin a nihna a\angin a bâng tur a nih thu a sawi.
“Lakhimpur Kheri-a khatiang thil a thlen ni-ah khan minister hi a bâng nghal tur a ni a, minister nih a phu lo,” tiin Governor Malik chuan a sawi.
Union Minister Ajay Mishra fapa, Ashish Mishra chu October 3-a Lakhimpur Kheri-a lo neitute kawng zawh lai an hnung lam a\anga SUV-a sutnaa mawhphurtuah puh a ni a. Lo neitute hi pali an thi.
Malik-a hian lo neitute aw an ngaithla lo a nih chuan BJP chuan thuneihna an chang zui dawn lo niin a sawi bawk.
“Sorkar hian lo neitute thu hi ngaithlaa a ngaichang lo a nih chuan an sorkar zui tawh lo vang,” tiin governor hian a sawi.
“Thil zawng zawng hi a chin felna kawng khat a awm. Sorkar hian MSP hi a kalpui leh chuan lo neitute hi a hmin thei mai dawn a ni,” a ti bawk.
Meghalaya governor hian March thla pawh khan lo neituten sorkar laka thil phut neia lungawi lohna an lantir a thlawp thu hi a lo sawi tawh bawk.
“Lo neitute tan hian prime minister leh home minister nen pawh kan inbei a ni,” tiin Malik chuan a sawi.