Mipui leh kohhran nawrna avangin independence sual chawlhsan lailawk a ni :MNF vice president

Tuirial bial inthlan atana campaign kal mekah nimin khan MNF party vice president Lalthlengliana’n Lungdai leh khaw hrang hranga hun a hmannaah mipui leh kohhran nawrna avangin Laldenga leh a ho ten independence sual chawlhsan lailawk mahse, politics-ah fullstop a awm lo, niin a sawi.

MNF vice president chuan “MNF tluka political party tha hi Zoramah a la awm ngai lo” a ti niin MNF party thuchhuahin a tarlang a. MNF party chu ‘nationalism’ nena din a nih thu sawiin, “Ramri chungchangah keini tluka Assam hmachhawna do ngam an awm lo”tiin “MNF chuan kum 20 chhung India sorkar kan do ngam, party dang zingah ni khat lek pawh India do ngam an awm lo” a ti.

India constitution ziak danglam ngai hial khawpin inremna an ziak tih sawiin, Lalthlengliana chuan “Kan independence thinlung erawh a dinna ngaiah a la ding reng” a ti niin MNF thuchhuah chuan a tarlang.

Lalthlengliana chuan “Kan candidate in vote tlin ngei a ngai. kan sorkar vanglai takin Serchhipah kan chak tawh lova, he bialah hi chuan kan candidate in tihtlin ngei a ngai, hei hian kum 2023 general election lo awm tur a hawlhtlang vek a ni,” tiin Tuirial bial mipuite a chah niin MNF thuchhuah chuan a tarlang bawk.

Leave a Reply

Your email address will not be published. Required fields are marked *

error: Content is protected !!