Barcelona defender Samuel Umtiti chuan an club-ah khelhna hmun chang lova a awm mek avangin a rilruah thil tam tak a awm tih a sawi a, chutihrualin chhuah tumna a nei lo tih a sawi.
Kum 27 mi Umtiti hi tun season-ah Ronald Koeman-a ruahmanaah tel lovin inkhel tura chhawr a la ni lova. Season tan dawna pre-season inbuatsaihnaah an fans ten an au el hial.
Hei hi nipui a club a chhuahsan loh chu club in Lionel Messi an chelh zui theih loh chhanah an ngai a. Barca club talbuaina avanga an chelh theih loh Messi chhuahna chhanah an hmer tel.
France international hian tun season-ah club tan football la khel lo mahse kum 2023 thleng contract a neih chu hman zawh ngei a tum.
“In auh elna te kha na lo a ni lo. He club hi ka hmangaih avangin hetiang hi ka chunga thleng turah ka ngai ngai lo.” tiin Barca fans te phunnawina a chunga a thleng chu a hriatthiam loh thu a sawi a.
“A hreawmin a ahrsa lo ka ti lo, hliam avangin harsatna ka lo nei bawk nen, tunah erawh ka dam chiang tawh a, ka dinhmun hi ka pawm a. Ka team tana theihtawp chhuah a inkhelh ka duh.”
“Coach thutlukna a ni a, hei vang hian inkhel turin ka tha tawk a ni tih ka lantir hi a ngai. Theihtawp ka chhuah zel ang.” tiin a sawi.