Phoenix Suns center Deandre Ayton leh a team ten contract thar ziah tuma inbiakna an neih chu a hlawhtling lova. Thawhlehni zing lama inremna neih hman an tum chu a thleng thei lo.
Kum 2018 a NBA Draft a No.1 pick Ayton hian Suns hnen atang hian kum nga contract, NBA dan anga rookie contract hmang zo tur in a ziah theih lian ber chu beisei mahse Phoenix lam hian pek an inhuam lo.
Ayton hi Suns in 2021 NBA Finals an luhna kawnga mi pawimawh a ni chungin Suns in Dollar maktaduai 172.5 manhu contract pek hi an inhuam lova. Phoenix hian salary cap lamah harsatna an neih lohna turin kum nga chhung ni lovin kum thum emaw kum li zawk nise an duh.
Ayton-a hma hun tur hi a chiang lo mek a, kum 2018 NBA Draft-a a tel ve, league a player lar zui midangten tun season tawpah contract lian an ziah nual avangin ani pawhin Suns atang contract lian ziah ve a duh a. Phoenix lam hian a duh ang an pe ngam rih lo.
Ayton hian kum 2023 thleng Suns-ah hian contract a nei a, tun season zawhah hian restricted free agent ni dawnin team dang sawmna a pawm thei tawh a, a contract hman zawh a thlang a nih chuan kum 2023 nipuiah Suns hi chhuahsan fel ang.