UK-a council pa-khat chuan tunlaia series lar tak ‘Squid Game’ tih-dan zira zirlai naupangte khawsa thin chu thil hlauh-awm tak a nih theih avangin nu leh pate bakah zirtirtute chu kawng engkima fim-khur hle turin an chah.
Netflix kutchhuak thriller series-ah hian leiba delh rih mi thahnem takte chuan pawisa tam tham tak hlawh-chhuah tuma naupang game an khelhna hmuh tur a awm. A tha lo zawnga nghawng a nei thei dawn nia hriain Central Bedfordshire Council chuan rum taka chet tum primary zirlai naupangte an awm chho nia hriain, an nu leh pate hnenah email thawn chhuak vekin, vaukhanna rum el-awl tak an hriattir.
Email-ah hian, “Tunhnai atang khan zirna In hrang hranga ‘Squid Game’ khel thin naupang leh tleirawl an awm nia hriat a nih avangin ngaih a ngam tawh lova, fiimkhur taka en enfiah thin ni se,’ tih a ni.
Manganthlak hle
An sawizelnaah naupangte Squid Game en lo turin rawtna hriam tak kan thlen duh a, he show-ah hian thisen chhuahna leh tharum thawhna a tam lawr lak a ni, an ti bawk.
Tunhnai atang khan council huam chhunga primary zirlai thenkhatte nunphung leh khawsak dan chu tunhma ang lo takin a rum chho hle tih hmuhchhuah a ni. Playground-a an chet dan ah te chiang takin a lang thei a, a thenin ‘Squid Game’ programe an lo hmang thin bawk nen, council hruaitute an mangang hle a ni.