Tui lian karah chaw chhum belin inneihna hmun pan!

Indian nula leh tlangval chu an inneih hun turah ruah nasa tak sura tui a len nasat avangin an inneihna hmun tur pan mai a buaithlak si a, chaw chhumna bel lian taka chuang dunin an inneihna hmun tur an pan.
India chhim lam, Kerala chu tui lianin a tibuai mek a. He mite pahnih hian an veng temple chaw chhum bel lian chu hawin lawngleng anga hmangain mipa pahnihin an nawr a, an inneihna tur an pan a. An thlalak leh video chu social media-ah a darh nasa hle.
Ruah tam tak sur avanga tui lian leh lei minah mi 28 vel an thi tawh a. An inneihna hmun tur ngei pawh hi tuiin a chim nual tawh a, inkhawm mawlmang tak buatsaihin an innei ta tho a ni.
Video darhah hian mi pakhat chuan, “Car aiah lawngleng hawh mai tur a nih hi…,” tia a sawi lai a lang tel.
Inneite hi an pahnihin damdawi in lama thawk ve ve niin tual chhung chanchinbute chuan an tar lang.
Thlalak thehdarhah chuan tun hnai ni li chhunga ruah tam tak a sur avangin car leh bus tam tak tuiin a chim tih a hmuh theih.
Chhanchhuah hna thawktute chuan an thawk mawlh mawlh a; army, navy leh air force sipaiten an pui bawk.
State sorkar chuan mi sang tel hmun hima an suan thu leh relief camp 100 chuang an siam thu an sawi.
Kum 2018 khan Kerala-ah hian tui a lian chiam tawh a, mi 500 dawn an lo thi tawh a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427