Tuirial bial inthlan lo awm tura ZPM party candidate Laltlanmawia’n thalaite rualawhna a hriatpui thu leh sports infrastructure lamah nasa taka tan lâk a tum thu a sawi.
He thu hi nimina Kawnpuia an inkawmnaah Laltlanmawia chuan a sawi niin ZPM thalai hruaitu ten an sawi a. Kawnpui Vengthar Futsal ground leh Bangla Veng futsal ground chei te, Chhim Vêng-a football ground laih hna kal tawh chhunzawmte, Venglai Volleyball court-a zana inkhelh theih tura light dah-te bâkah, Hmâr Vêng field tihchangtlunte chu a ngaihpawimawh tur thu a sawi niin ZPM thalai thuchhuahin a tarlang.
Laltlanmawia chuan NHIDCL-in Kawnpui 4 lane laih mêkah mipui ten compensation an hmuh theihna tura theihtawpa hma a lâkpui tur thu pawh a sawi niin, ZPM thalai thuchhuah chuan a tarlang bawk.