Film hit vangin Subscriber Maktaduai 4.4 neih belh


Film pakhat chet \hat keuh chu Netflix tan malsawmna hlang a ni leh ta a, 2021 Quarter thumnaah subscriber maktaduai 4.4 a neih belh a, quarter hmasa (April-June) aiin a let hnihin an pung.
Korean TV Series ‘Squid Game’ chu a hit rem rem hle a, karli chhung leka chhungkaw maktaduai 142 in an en miau avangin a tihchhuaktu Netflix-in a hlawkna an tel chho mawlh mawlh mai.
Kumin kumtir khan Netflix hmasawnna a \huanawp viau hman a, nikuma hripui leng thut kha kawng lehlamah a hlawkpui rualin, 2021 tir lam quarte khatna (Jan-March) ah khan beisei a pha lo hle a ni.
Khawvela streaming platform lian ber hian beiseina duhawm a nei chho leh ta a, kumin quarter lina (Oct-Dec) hian a lo berah subscriber thar makta-duai 8.5 a neih belh ngei a beisei.
Tun dinhmunah show lar tak tak- Sex Education, Quee’ns Gambit leh khawvelpuma hit tak Squid Game te hian hmalam panin an nawr kal tak tak dawn a ang ta hle.
Mak ang reng takin, 2021 (July-Sept) khan English tawng hmang lo show te chu an dawk chho chhunzawm zel a, Netflix show zingah best performers-ah an lang malh malh mai a ni.

Leave a Reply

Your email address will not be published. Required fields are marked *

error: Content is protected !!