Bangladesh-a sakhaw zuitu tlem zawk, Hindu-te tawrhna thleng boruak thlirin Ningani atanga ni thum awh, Bangladeshi sorkarin Tripura khawpui, Agartala-a film festival a huaihawt tur chu a hun sawn a ni.
Agartala-a Bangladesh Assistant High Commission hotu sang chuan film festival hi ‘chhan tha tak, loh theih loh vangin’ an sawn tih a sawi.
“Film festival neih turah hian film 34 lai, a tam ber ‘Mukti Yuddha’ (1971 Liberation War of Bangladesh) behchhana siam chu October 21 leh 23 chhunga Rabindra Satabarshiki Auditorium-a neih turah chhuah tum a ni,” tiin thuneitu pakhat, a hming tar lan duh loh chuan a sawi.
Tripura Chief Minister Biplab Kumar Deb chuan Thawhlehni khan Bangladesh sorkar chuan an rama sakhaw zuitu tlem zawkte nunna, thil neih leh an sawkhaw hmunte a humhim tur a ni tih a sawi.
Tun hnaia Bangladesh-a Hindu-te chunga kutthlakna thleng hi Assam leh Tripura-a pawl, mi fing, political party leh tlawmngai pawl tam takin an dem.
Hmun hrang hranga thil thleng duh lohna leh demna lantir a ni bawk.