Newcastle United manager Steve Bruce chuan club neitu thar hnuaiah a hna a thawk chhunzawm dawn lo nia a thu a than viau hnuah Nilaini khan chhuak turin club nen inremna an nei.
Kum 60 mi hian Pathianni zana Tottenham an hmachhawn tumin Magpies hi hovin manager a nih anga inkhel vawi 1000 a enkawlna a ni a. Saudi Arabia hnuaia awm investment fund PIF hnuaia club a awm hnua inkhel a enkawl vawikhatna a ni.
Greame Jones chuan Newcastle United hi a enkawl lailawk rih dawn a. Magpies hian manager thar an neih tur thu an puang. Bruce-a contract neihlai hi club neitute hian an pe tla a, Pound maktaduai 8 vel a chhuahpui ang.
Kum 2019 July thla a Magpies zawmtu Bruce hian, “He football club danglam tak enkawl theihna hun min petute chungah ka lawm a. Ka coaching team, player leh thawktute zawng zawng chungah ka lawm. Club hi neitu thar hnuaia a kal zelna turah duhsakna ka hlan.” a ti a.
Bruce hian manager anga hna a thawh hnuhnun ber a ni ang em tih a hriat loh thu a sawi bawk.