Group G atangin FC Salzburg chiahin hnehna an chang

Austrian club Red Bull Salzburg tan Swiss forward hmabak eng Noah Okafor chuan goal hnih a khung a. German club VFL Wolfsburg lakah 3-1 in an chak.

UEFA Champions League Group G inkhel hi Salzburg a Red Bull Arena-ah khelh a ni a. Salzburg hian hnehna an chan avangin table chung ber an luah.

Mualneitu lam tan German rawlthar striker Karim Adeyemi chuan minute thumnaah goal a khung a. Mahse hei hi minute 15-naah German club in German rawlthar beiseiawm tak an neih hmangin an sut a. Lukas Nmecha chuan an si phurh a sut.

Second half-ah team pahnih inkarah danglamna a tam lo. Mahse Wolfsburg tlarhnung chetsual chu Salzburg in an chakpui a. Corner atangin tum hnih hmun himah ball an pet chhuak thei lova. Hei hi Okafor-a’n remchangah la ve ve in minute 65-na leh 77-naah goal a khung.

November 2-ah Wolfsburg hian Salzburg hi an mikhual let ve dawn a, Austrian club tan round of 16 atan tling turin he inkhela chak hi a tawk tawh.

Inkhel dangah French champion Lille in chak hmel an la hmu thei lova. Sevilla mikhualin goal inpe lovin an inhnehtawk. Lille hian Europe club liante inelna sang berah hian kum 2012 hnuah hnehna an la chang leh lova. UCL game 41 an khelh tawh atangin vawi 6 chiah an la chak.

Leave a Reply

Your email address will not be published. Required fields are marked *

error: Content is protected !!